Abazi: Asosacioni, ‘gozhdë’ për Kosovën në rrugën drejt finalizimit të marrëveshjes

Kryetari i Komisionit për Punë të Jashtme në Kosovë, Haki Abazi thotë se formimi i Asosacionit të komunave me shumicë serbe, është kthyer në një ‘gozhdë’ për Kosovën, në rrugën drejt finalizimit të marrëveshjes me Serbinë.

Në një intervistë për Euronews Albania, Abazi u shpreh se për t’u çliruar nga ky ngërç në të cilën gjendet Kosova, e mira do ishte që formimi i Asosacionit, të jetë pa kompetenca ekzekutive.

“Unë mendoj që duhet patjetër të ndodhë për ta çliruar ngërçin në të cilin ndodhemi, sa i përket përfundimit të dialogut me Serbinë dhe nënshkrimit të marrëveshjes gjithëpërfshirëse për normalizim dhe njohje.

Do ishte shumë më mirë që ne të mos merreshim fare me këtë çështje, por ja që kemi trashëguar, si gjeneratë e politikanëve, marrëveshje të nënshkruara që nuk janë nga më të mirat, por Asosacioni është bërë gozhdë në sharrën e ecjes tutje për finalizmin e marrëveshjes. Meqë kemi një vendim të Gjykatës Kushtetuese, atëherë neve na duhet të lëvizim para”, theksoi ai.

LEXONI GJITHASHTU

• Haki Abazi: Jap dorëheqjen nëse formohet Asosacioni me kompetenca ekzekutive
• Ministri Çeku: Kërcënimet ndaj meje, të nxitura nga mediat që kontrollohen nga Vuçiç
• Serbët kërcënojnë me jetë ministrin e Kosovës