Ambasadori i BE-së Soreca: Sigurimi i funksionimit të Gjykatës Kushtetuese është kritik

Ambasadori i Bashkimit Evropian në Tiranë, Luigi Soreca drejtoi një ftesë publike për gjyqtarët dhe akademikët e kualifikuar në jurisprudencë që të aplikojnë dhe japin kontributin e tyre në implementimin e reformës në drejtësi dhe vijimit përpara drejt anëtarësimit në BE.

“Sigurimi i funksionimit të plotë të Gjykatës Kushtetuese është kritik,” – theksoi Soreca në Twitter.

Komenti i Sorecas erdhi pasi Kuvendi dhe Presidenti hapën garën për dy vakanca të Gjykatës Kushtetuese, kjo pasi më herët ishte kërkuar nga Këshilli i Emërimeve në Drejtësi.

Ai e bëri komentin duke shpërndarë deklaratën e mëhershme të komisionerit Oliver Varhelyi. Ky teksa e mirëpriti hapjen e garës në Kushtetuese kërkoi që të mos ketë më vonesa.

Ensuring full functionality of the Constitutional Court is critical. We invite qualified magistrates, academics, lawyers & senior public officials to apply and give their contribution to continued implementation of #justicereform and help??moving forward on its?? accession path. https://t.co/xczRkkbsii

— Luigi Soreca?? (@LSorecaEU) September 24, 2020

Më herët Ambasadorja e Shteteve të Bashkuara të Amerikës në Tiranë, Yuri Kim falenderoi Presidentin Meta dhe kryetarin e Parlamentit Ruçi për shpalljen e dy vakancave në Kushtetuese teksa shtoi se shpresonte që sa më shumë juristë dhe ekspertë të aplikojnë në mënyrë që “të ecet përpara dhe të shërbehet drejtësia”.

Thanks to Pres @ilirmetazyrtar & Speaker Ruci for quickly re-opening the call for candidates for the Constitutional Ct. We hope ?? jurists will answer this important call to serve their country. Let’s keep moving forward to deliver Justice! https://t.co/0wc4AE8juq

— Ambassador Yuri Kim (@USAmbAlbania) September 24, 2020

Aktualisht, Gjykata Kushtetuese është jashtë funksionimit për shkak se anëtarët e saj nuk kaluan vetingun apo u larguan me vullnet të lirë. Vënia në funksion e saj deri në fund të këtij viti është një nga kushtet kryesore të BE-së për nisjen e negociatave për anëtarësim. Sipas ligjit dhe reformës në drejtësi, kjo gjykatë duhet të ketë 9 anëtarë, tre prej të cilëve emërohen nga Presidenti, tre të tjerë nga Kuvendi, dhe tre anëtarë zgjidhen nga Gjykata e Lartë.

Gjykata e Lartë ndërkohë është jashtë funksioni pasi ka vetëm 3 anëtarë nga 19 që duhet të kishte, kjo kërkon që për të plotësuar Gjykatën Kushtetuese të emërohen së paku 6 postet nga Presidenti e Kuvendi.

Në përbërje të saj, aktualisht Kushtetuesja ka vetëm katër anëtarë; Vitore Tusha, Elsa Toska, Marsida Xhaferllari dhe Fiona Papajorgji. Tusha ka për momentin kompetencat e kryetares, e cila në fakt zgjidhet me votim të fshehtë me shumicën e votave të të gjithë gjyqtarëve të Gjykatës Kushtuese, për një periudhë 3-vjeçare.

Lexoni gjithashtu:

Varhelyi mirëpret rihapjen e garës për në Gjykatën Kushtetuese: Me rëndësi të mos ketë më vonesa

Ambasadori gjerman takon kryetaren e KED: Ngritja e Gjykatës Kushtetuese, kriter për negociatat me BE

Çfarë duhet për negociatat? Gazetari i Ervin Koçi i Euronews Albania shpjegon në Ilva Now

Vakancat në Kushtetuese, KED i dërgon kërkesën Metës e Ruçit: Rihapni garën