30 diplomatë të tjerë rusë do largohen nga SHBA deri në fund të vitit

30 punonjës të tjerë të misionit diplomatik rus në SHBA do të largohen nga Amerika deri më 1 janar 2023 për shkak të kufizimeve të vizave, tha sot ambasadori rus në Uashington, Anatoly Antonov, raporton TASS.

“Amerikanët vazhdojnë politikën e tyre për të reduktuar numrin e diplomatëve rusë në SHBA. 30 persona të tjerë do të largohen nga Shtetet e Bashkuara të Amerikës deri më 1 janar. Ata duhet të largohen nga Amerika për shkak të kufizimeve të vizave të vendosura nga Departamenti i Shtetit,” tha Antonov, në një intervistë për kanalin televiziv “Rusia-24”.

LEXONI GJITHASHTU:

• Gjashtë diplomatë rusë shpallen ‘non grata’ në Mal të Zi
• Sofja dëbon 70 diplomatë rusë, Petkov: Punonin kundër interesave të Bullgarisë