Merkel: Pritet të shtohen rastet e COVID-19, por s’do të ketë izolim kombëtar

Gjermania është e vendosur që të mos e lejojë në asnjë mënyrë mbylljen në shkallë kombëtare, duke gjurmuar vatrat e duke vepruar në mënyrë lokale.

“Duam të veprojmë në mënyrë lokale, për raste specifike dhe me një synim të caktuar, në vend që të izolojmë sërish të gjithë vendin. Izolimi duhet të shmanget me çdo kusht”, tha Merkel në një konferencë për shtyp.

Ajo shtoi se rastet me COVID-19 pritet të shtohen me 19 mijë në tre muaj, nëse ruhet i njëjti ritëm si muajt e fundit.

Për sa i përket pushimeve të vjeshtës që bëjnë shkollat në Gjermani, Merkel tha se i këshillonte banorët që të udhëtonin brenda vendit.

Po ashtu, kancelarja gjermane veçoi Italinë si një vend ku rastet ishin të ulëta tani, pasi i kishin marrë masat me shumë kujdes.