Putin prezanton prioritetet: Ushtria ruse, baza dhe raketa të reja

Më shumë përgatitje ushtarake, më shumë armatime moderne dhe një buxhet i pakufizuar për luftën në Ukrainë.

Janë këto synimet e bëra publike nga presidenti rus Vladimir Putin, teksa ushtria e tij kryente stërvitje në Bjellorusi dhe flota ruse nisi një seri manovrash me Kinën.

Dhe qershia mbi këtë tortë luftarake do të jetë hyrja në shërbim brenda pak ditësh e një rakete të fuqishme.

“Duke filluar nga janari, fregata ‘Admirali Gorshkov’ do të pajiset me raketën e re hipersonike ‘Zicron’. Si ajo nuk ka në asnjë vend të botës”, u shpreh Vladimir Putin.

Putin ka njoftuar gjithashtu se do të krijojë baza detare për të mbështetur flotën e tij në Mariupol dhe Beriansk, dy qytete ukrainase të pushtuara nga rusët.

Por kreu i Kremlinit foli gjithashtu për ekonominë, gazin dhe marrëdhëniet me Kinën.

“Një qendër e re gazi do të hapet në IRKUTSK. Ne do të hapim edhe fushën unike të gazit të kondensuar në KOVIKTA, më e madhja në lindje të Siberisë. Rezervat e saj arrijnë deri në 1.8 trilionë metra kub gaz”, tha më tej presidenti i Rusisë.

Putin shtoi se një gazsjellës i gjatë 800 kilometra është ndërtuar për të shpërndarë gaz natyror nga lokaliteti Kovikta.

Furnizimi i Kinës është jetik për të gjetur burime të reja të ardhurash pas shkëputjes së lidhjeve me BE-në.

LEXONI GJITHASHTU:

• PD depoziton kërkesën për ngritjen e Komisionit Hetimor për udhëtimet e Ramës
• Ministri serb akuzon Kurtin për dhunë, barrikadat qëndrojnë akoma në Veri
• “Zogu ishte burrë i zgjuar”, Neritan Licaj debat të ashpër me Erion Isain