“Qarargate”, 1 muaj paraburgim për eurodeputeten greke Eva Kaili 

Eurodeputetja greke Eva Kaili do të mbahet edhe një muaj paraburgim, ka vendosur sot gjykata belge.

Ish-zëvendëspresidentja e Parlamentit Europian dyshohet se është në qendër të një prej skandaleve më të mëdha korruptive në BE të quajtur “Qatargate”.

Avokatët mbrojtës kërkuan lirimin e saj nga burgu dhe kërkuan t’i jepet një aparat monitorimi. Por, pas seancës gjykata njoftoi se kishte vendosur paraburgimin edhe për një muaj për eurodeputeten.

Avokatët mbrojtës kanë 24 orë kohë për të apeluar vendimin dhe nëse vendosin ta bëjnë këtë, Kaili do të dalë në Gjykatën e Apelit në Bruksel brenda 15 ditëve.

Prokurorët belgë e akuzojnë Eva Kailin për korrupsion, anëtarësim në një organizatë kriminale dhe pastrim parash.

LEXONI GJITHASHTU:

• Skandali i korrupsionit në PE, Eva Kaili kërkon lirinë
• Skandali i korrupsionit në PE, rrëfehet Eva Kaili: Kam qenë në dijeni të çdo gjëje