A do të largohet dhe Gent Cakaj si Besa Shahini? Ministri në detyrë befason me përgjigjen e tij

Ministri i Jashtëm në detyrë, Gent Cakaj ndryshe nga Besa Shahini thotë se nuk ka në plan të largohet nga politika. Gjatë intervistës për ‘Ilva Now’, ai foli për objektivin e tij të ardhshëm në krye të diplomaci së shqiptare dhe që ka të bëjë me anëtarësimin e Shqipërisë në Këshillin e Sigurimit në OKB. Cakaj, i cili mban postin e Sekretarit të Rinisë në Partinë Socialiste, pyetjes se cili do të jetë angazhimi i tij i ardhshëm në politik iu përgjigj duke thënë:

“Kjo është një pyetje që do t’ua them tjetër herë meqenëse unë do të jem në politikë, unë po punoj për kryerjen e e mandatit tim me sukses. Kemi edhe shumë detyra përpara, një prej objektivave është kandidatura jonë për Këshillin, ku realisht do të votohet vitin e ardhshëm dhe pritet që  Shqipëria të bëhet për herë të parë në historinë e saj, anëtare jo e përhershme e Këshillit të Sigurimit ndaj që do të punoj me pasion për përmbushjen e detyrave të mia dhe nuk kam plane të largohem nga politika”, tha z. Cakaj.

Duke komentuar largimin e Besa Shahinit si ministre e Arsimit, Cakaj tha se, “a respekt të jashtëzakonshëm për të dhe se ka bërë një punë të shkëlqyer në detyrën e saj si ministre. Lidhur me publikimin e lajmeve për largimin e shqiptarëve të Kosovës nga qeveria tha se, për të janë thënë shumë të pavërteta dhe nuk dëshiron t’i komentojë.

Kurse lidhur me raportimet e fundit se ndaj Shqipërisë është rivendosur regjimi i vizave, ministri i Jashtëm në detyrë u shpreh se, liberalizimi mbetet dhe se ndryshimi për plotësimin e një autorizimi paraprak prek shumë vende.

“Nuk bëhet fjalë për rikthimin e vizave, por është një autorizim për udhëtim që merret brenda pak minutash. Udhëtimi mund të refuzohet në raste të veçanta por nuk pengohet lëvizja e lirë. Kjo masë është aplikuar për një listë të gjatë vendesh, mes të cilave SHBA dhe të gjitha vendete Ballkanit Perëndimor”, deklaroi z. Cakaj.

Këshilli i Sigurimit në OKB është krijuar pas Luftës së Dytë Botërore si organ i OKB-së për të adresua dështimet e Ligës së Kombeve për garantimin e paqes botërore. Këshilli i Sigurimit përbehet nga 15 vende, ku Kina, Franca, Rusia, Mbretëria e Bashkuar dhe SHBA janë anëtare të përhershme.

Shqipëria do të synojë të bëhet pjesë e Këshillit të Sigurimit si përfaqësuese e grupit të vendeve të Evropës Lindore, që aktualisht përfaqësohen nga Estonia në këtë organ të OKB-së. Shqipëria që të marrë këtë pozicion për një vit, do të duhet që të sigurojë të paktën 128 vota në Asamblenë e Përgjithshme të OKB-së në votimin e raundit të parë dhe 127 në raundin e dytë nga 193 vende anëtare në total.