Kërcënon Kim Jong Un, urdhëron rritjen e fuqisë bërthamore të vendit

Udhëheqësi i Koresë së Veriut Kim Jong Un bëri thirrje për zhvillimin e raketave të reja balistike ndërkontinentale dhe shtimin e arsenalit bërthamor për të kundërshtuar kërcënimet e udhëhequra nga SHBA-të, thanë media shtetërore të dielën, në mes të tensioneve të ndezura midis dy koreve.

Në një takim të Partisë së Punëtorëve, Kim theksoi nevojën për të siguruar “fuqi dërrmuese ushtarake” për të mbrojtur sovranitetin dhe sigurinë e vendit, raporton Reuters.

Nga ana tjetër Presidenti i Koresë së Jugut, Yoon Suk-yeol, gjatë bisedave telefonike me shefat ushtarakë, bëri thirrje për “gatishmëri të fortë mendore dhe trajnim praktik” për të siguruar që çdo provokim i Koresë së Veriut të përballet me hakmarrje.

Kim akuzoi Uashingtonin dhe Seulin për përpjekje për të “izoluar dhe mbytur” Phenianin me mjetet e sulmeve bërthamore të SHBA-së të lokalizuara në Korenë e Jugut.

Ai u zotua të zhvillojë një sistem tjetër ICBM. Misioni kryesor i të cilit do të jetë kundërsulmi i shpejtë bërthamor” sipas një plani për të forcuar forcën bërthamore të vendit, tha agjencia zyrtare e lajmeve KCNA.