Fjalimi i Putinit drejtuar kombit: Mbrojtja e atdheut, detyrë e shenjtë e rusëve

Presidenti rus Vladimir Putin iu drejtua sot qytetarëve me rastin e Vitit të Ri, i rrethuar nga ushtarakë.

Ai theksoi se mbrojtja e atdheut është detyrë e shenjtë e rusëve ndaj paraardhësve dhe pasardhësve të tyre.

Ai e vlerësoi vitin e kaluar si vit të ngjarjeve kyçe që vendosin themelet për të ardhmen dhe pavarësinë dhe vuri në dukje se rusët treguan guxim dhe dinjitet dhe mbështetën pjesëmarrësit e operacionit special ushtarak në Ukrainë, transmeton RIA Novosti.

“Ne ndërtojmë dhe krijojmë së bashku. Gjëja kryesore është fati i Rusisë,” tha Putin.

Ai tha se vendi i tij nuk do të përkulet kurrë para përpjekjeve perëndimore për të përdorur Ukrainën si një mjet për të shkatërruar Rusinë.

Putin u shpreh se Rusia po lufton në Ukrainë për të mbrojtur atdheun e saj dhe për të siguruar pavarësinë e vërtetë për popullin.

LEXONI GJITHASHTU:

• ‘Bisedimet me Ukrainën s’do jenë të qeta’, Xi-Putinit: Do mbajmë qëndrim objektiv
• Putin takon Xi Jinping: Të forcojmë partneritetin strategjik