Al Nassr nuk ndalet, pas Ronaldos kërkon të marrë dhe yllin e Real Madrid

Cristiano Ronaldo nuk do të jetë i vetmi emër i madh nga futbolli evropian që do të shkojë në Arabinë Saudite gjatë viteve të ardhshme.

Pasi u konfirmua kalimi i tij te Al Nassr në fillim të javës, vëmendja e klubeve në Arabinë Saudite është kthyer drejt emrave të tjerë të mëdhenj në futbollin evropian.

Siç ka raportuar MARCA, futbolli saudit, me Al Nassr në krye, dëshiron ta ngrejë vendin në elitën e sportit më të ndjekur në botë. Në ditët e fundit, presidenti dhe drejtorët e klubit kanë qenë në Madrid duke testuar mundësinë e zgjerimit të listës së yjeve në të ardhmen e afërt.

Në objektivat e tyre është Sergio Ramos, por së fundmi në listën e dëshirave fshaqet dhe Luka Modric.

Kroati lozi një Kupë Bote për tu mbajtur mend. Gjesti i puthjes së medaljes së vendit të tretë pasi mundi Marokun e përmbledh atë në mënyrë perfekte.

Modric dëshiron të vazhdojë të luajë për Real Madridin për të paktën një sezon më shumë, sepse cilësia e tij e garanton këtë. Ai ka refuzuar propozimet shumë fitimprurëse nga Arabia Saudite dhe Shtetet e Bashkuara edhe pse është në moshën 37-vjeçare.

Por Al Nasr i Cristiano Ronaldos është shumë serioz për të qenë Real Madridi i botës arabe. Tani i është bashkuar CR7, në verën e 2023 duan Ramos dhe në 2024-ën Modric.

LEXONI GJITHASHTU

• Kush është futbollisti me pasurinë 15-fish më të madhe se Ronaldo
• Përballja e fundit? Fati vendos sërish kundërshtarë në fushë Messin dhe Ronaldon
• Shifra marramëndëse, sa do të përfitojë Cristiano Ronaldo te Al Nassr