Aksidenti me tre viktima në rrugën e Arbrit, arrestohet 28-vjeçari

Policia ka arrestuar 28-vjeçarin Edison Lazri, i cili ditën e mërkurë u përfshi në aksidentin me tre viktima në rrugën e Arbrit.

28-vjeçari ishte drejtuesi i mjetit, me të cilin u përplas autmjeti tip Benz, ku humbën jetën 3 persona dhe u plagosën 4 të tjerë.

Materialet në ngarkim të tij i kaluan prokurorisë për veprime të mëtejshme

“Specialistët e Sektorit të Policisë Rrugore në DVP Dibër, arrestuan shtetasin E.L., 28 vjeç, banues në fshatin Bllatë, Dibër. Arrestimi i tij u bë pasi me datë 04.01.2023 rreth orës 18.15, në aksin rrugor Bulqizë-Maqellarë në urën e fshatit Gjoricë duke drejtuar automjetin tip ‘Benz’, është përplasur me një automjet tjetër tip ‘Benz’, që drejtohej nga shtetasi K.I., 55 vjeç, banues në Maqellarë.

Si pasojë e këtij aksidenti  humbi jetën drejtuesi i mjetit shtetasi K.I., dhe dy pasagjerët  M.I(D), 74 vjeç; L.I., 51 vjeçe. Po si pasojë e këtij aksidenti mbetën të lënduar shtetaset F.I., 55 vjeçe; K.M., 18 vjeçe; M.L., 24 vjeç dhe shtetasi E.L, të cilët po marrin ndihmë mjekësore në spital.

Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme”, thuhet në njoftimin e policisë.

LEXO GJITHASHTU: 

• • Babai vret vajzën 1 vjeçe e gjysmë më sëpat, e shtyp kamioni kur po largohej
  • Ishte duke lozur futboll, kush është 8-vjeçari shqiptar që u përplas për vdekje
  • Vendoste skedina me telefon, arrestohet 24-vjeçari