Daci: Alda Klosi fillimisht prezumohet e pafajshme, çfarë duhet të bëjë prokuroria

Avokati Jordan Daci tha se zyrtarja Alda Klosi të cilës iu vodhën 120 mijë euro në shtëpi, fillimisht prezumohet e pafajshme.

I ftuar në emisionin ‘Review’ në Euronews Albania, Daci u shpreh se prokuroria duhet të hetojë me patjetër lidhjen mes parave të gjetura në banesën e Klosit dhe atyre në shtëpinë e Rozeta Dobit e cila është arrestuar së bashku me të birin pasi dyshohet se kanë kryer një sërë vjedhjesh në shtëpitë në Tiranë.

“Në radhë të parë prezumohet e pafajshme. Për mendimin tim në dallim nga standardet që përdor Prokuroria e Shqipërisë por edhe Gjykatat shpeshherë, të hetosh një person dhe t’i shkruash emrin në regjistrin e personave nën hetim do të duhet një standard shumë herë më i lartë se ai që kemi ne.

Ka nevojë për të sqaruar rrethanat. Prokuroria duhet të hetojë se s’bën nëse ka një lidhje mes parave të gjetura dhe mundësisë që këto para të jenë gjetur tek ajo banesë. Çështja duhet të shihet e ftohtë, pa ngarkesat politike, pa lidhjen që po i bëjnë mediat me x apo me y person. “- tha Daci.

LEXONI GJITHASHTU: 

• Thirrja e avokatit për prokurorët: Ndiqni zyrtarët, pinë verë 1 mijë euro
• Ish-prokurori zbulon “çudirat”: Një vlonjat denoncoi vjedhjen e 100 kg hashash
• Iu gjetën 400 mijë euro në banesë, taktikat që përdorte pastruesja për të vjedhur