Tirana prezanton Lushkjan, mesfushori që u transferua në Moldavi, gati disa lojtarë

Pas një aventure disa mujore në Moldavi tek skuadra e Sherif Tiraspol Regi Lushkja është rikthyer në kampionatin shqiptar. 26-vjeçari është përforcimi më i ri i bardhebluve, të cilët kanë bërë dhe prezantimin e mesfushorit. Lushkja do të jetë në dispozicion të trajnerit Orges Shehi që në ndeshjet e para, teksa pritet që kryeqytetasit të vijojnë përforcimet.

Lushkja luajti për 6 sezone tek Laçi aty ku shkëlqeu me performancat e tij. Kujtojmë se në garë për marrjen e shërbimeve ishte dhe skuadra tjetër e kryeqytetit, Partizani. Aktualisht Tirana po zhvillon një merkato të qetë, ku nuk kanë munguar as largimet. Realf Zhivanaj u largua nga bardheblutë, teksa ka nisur aventurën e re me Dinamon.

Kampionët në fuqi po tentojnë dhe kthimin e lojtarëve të cilët dhanë kontributin e tyre në fitimin e titullit, teksa ende nuk janë publikuar emrat. Objektivi sezonal është vendi i parë, por diçka e tillë duket e vështirë, kjo për faktin se konkurrenca është e madhe. Aktualisht tabela e klasifikimit udhëhiqet nga rivalët e përjetshëm të Partizanit me 29, 4 më tepër se bardheblutë.

LEXONI GJITHASHTU:

• Dritëhijet e trajnerit Silvinjo, tek Corinthians e kërcënuan tifozët
• FSHF konfirmon brazilianin Silvinjo në krye të Kombëtares