Çeki, ish-kryeministri i akuzuar për korrupsion në garë për president

Pasi u shfajësua nga akuza për korrupsion, ish-kryeministri çek Andrej Babis është në krye të sondazheve për zgjedhjet presidenciale. Ai është mes 8 kandidatëve në garë, me votimet që nisën të premten dhe pritet të zgjasin më shumë se dy ditë.

Por biznesmeni miliarder përballet me një rivalitet të fortë nga ish-gjenerali i forcave të armatosura, Petr Pavel. Ai është një protagonist i ri i politikës, njësoj si kandidatja tjetër, ekonomistja Danuse Nerudova.

Sondazhet parazgjedhore parashikojnë se asnjë nga kandidatët nuk do të fitojë zgjedhjet, ndaj dhe ka gjasa që procesi të shkojë në balotazh mes dy kandidatëve kryesorë. Sondazhet tregojnë gjithashtu se Pavel dhe Nerudova mund ta mposhtin Babic në raundin final.

Cilidoqoftë fituesi, ai do të zëvendësojë presidentin euroskeptik Milos Zeman, i pari që u zgjodh me votë popullore. Roli i kreut të shtetit është kryesisht ceremonial, por u bë më politik gjatë mandatit të Zeman.