Ylli spanjoll i operës përballet me akuza të reja për sulm seksual

Këngëtari me famë botërore i operës Plácido Domingo, është sërish në telashe lidhur me pretendimet e reja për ngacmime seksuale.

Gruaja e paidentifikuar që qëndron pas akuzave është një ish-kolege e tenorit dhe ‘gruaja e parë spanjolle’ që pretendon sulm seksual nga tenori, duke pretenduar se sjellja e tij ishte e njohur gjerësisht në botën e operës dy dekada më parë.

Këngëtarja anonime spanjolle thotë se ylli i operës u përpoq ta puthte dhe ta prekte në fillim të viteve 2000.

Viktima e supozuar foli për gratë që kishin folur dhe pretenduar për ngacmime të ngjashme seksuale nga Domingo, gati katër vjet më parë. “Mendova se sa të guximshëm ishin”, tha ajo. “Është diçka për të cilën dihet në botën e operës: një nga gjërat e para që ju thonë është: “Mos hipni në ashensor me Plácido Domingo.”

Përfaqësuesit e tenorit nuk iu përgjigjën një kërkese nga Reuters për koment mbi akuzat e fundit.

LEXONI GJITHASHTU:

• Para 50 vitesh u dënua për sulm seksual ndaj nxënëses, sot zbulon se është i vëllai
• Boksieri i njohur dyshohet për sulm seksual ndaj 2 të miturave