Ndihma për Ukrainën, Borrell shpreson në dakordësinë e anëtarëve të BE-së

Kryediplomati i Bashkimit Evropian Josep Borrell tha të hënën se shpresonte që anëtarët e bllokut të bien dakord për një këst tjetër të ndihmës për të mbështetur Ukrainën, gjatë një takimi të ministrave të jashtëm në Bruksel.

“Shpresoj se do të arrijmë një konsensus politik,” u tha Borrell gazetarëve përpara takimit.

Ai shtoi se asnjë vendim zyrtar nuk pritet të merret të hënën në lidhje me fondet, të cilat janë pjesë e EPF-së.

EPF ka funksionuar që nga korriku 2021 dhe financon aktivitete me implikime ushtarake, duke mbështetur ushtritë e vendeve partnere dhe shteteve anëtare të BE-së me infrastrukturë, trajnime dhe pajisje.

LEXONI GJITHASHTU: 

• Aksidenti me kamion i merr jetën 22-vjeçarit shqiptar në Itali
• “Do zgjidh problemin me tokat”, flet kandidati i opozitës në Himarë Fredi Beleri
• Pedagogia: Bëj 2 turne punë të papaguar në shtëpi, nuk mbarojnë punët