Maskë me detyrim! Të moshuarit: Na zë frymën, por e mbajmë nga halli

Pak ditë pas hyrjes në fuqi të vendimit për mbajtjen me detyrim të maskës, në rrugët e Tiranës vëren se pjesa më e madhe e qytetarëve e respektojnë, edhe pse disa thonë se kanë vështirësi në mbajtjen e tyre.

“Duhet ta mbash, unë për momentin po marr pak frymë, prandaj e kam hequr. Na bezdis, por do ta mbajmë”, tha  një qytetare.

“Patjetër, për veten e vet dhe për familjen…Ne jemi plaka, nga 80-vjeç, duhet të marrim frymë, se na zihet fryma”, shtoi një e moshuar, e cila tha se maska duhet të mbahet.

“Unë se mbaj dot, por nga halli”, shtoi një tjetër.

Edhe të rinjtë po tregohen te kujdesshëm për shëndetin e tyre.

“Jo të gjithë e mbajnë dhe duke qenë se nuk I respektojnë rregullat, nuk është se janë dhe aq të mbrojtur dhe ata që e mbajnë….nuk është se të krijon ndonjë problem, për mua jo”, tha një i ri.

Nuk mungojnë as rastet e qytetarëve, të cilët e kanë barrierën mbrojtëse, por e kanë të vendosur tek kyçi i dorës. Ndërsa të tjerë mezi po presin kthimin në normalitet.

“Aman të zhduket ky virusi se na ndau nga njerëzit”, shtoi një tjetër qytetare.