Ronaldo dështon pa lënë gjurmë, Al Nassr eliminohet nga Superkupa

Kristiano Ronaldo e ka nisur jo mirë aventurën e tij në Arabinë Saudite. Skuadra e Al Nasër është eleminuar nga Superkupa në fazën gjysmëfinale. Portugezi ishte pjesë e formacionit titullar ku luajti për 90 minuta, por pa mundur të lërë gjurmë.

Kundërshtarët e Al Itihad zhvilluan një paraqitje të mirë, duke gjetur 3 herë rrugën e rrjetës, kundrejt një goli të shënuar nga Al Nasër. Romarinjo dhe Hamdallah shënuan për vendësit, ndërsa Taliska ngushtoi diferencën e golave. Shanketi vulosi fitoren 3-1, me skuadrën e Al Itihad që në finalë përballet me Al Feiha. Këta të fundit mposhtën minimalisht Al Hilalin, ndërsa goli u shënua nga Paulinjo.

Kapiteni i Al Nasër, Kristiano Ronaldo u përball dhe me thirrje të shumta të tifozërisë në drejtim të tij, të cilët përmendnin emrin e Lionel Messit. Portugezi u vlerësua me notën 6.9 nga SOFASKOR, ndërkohë dy lojtarët më të vlerësuar ishin Luiz Gustavo dhe Abdullah Alkaibari. Ky ishte trofeu i dytë i humbur për Ronaldon, pas atij në përballjen e luksit me PSG, ndërkohë që menjëherë kanë nisur kritikat.

LEXONI GJITHASHTU:

• PSG fiton e miqësoren e ‘luksit’, Ronaldo ‘mposht’ Messin
• Ronaldo publikon foton me Messi-n: Është mirë të takosh disa shokë të vjetër
• Mbi 2 mln kërkesa për bileta të ndeshjes mes Ronaldos dhe Mesit