Pipiria: Mbi 2000 euro/m2 në Dhërmi dhe Himarë, kërkesa e të huajve rrit çmimet

Kryetari i Shoqatës për Pasuritë e Paluajtshme, Reinaldo Pipiria thotë se kërkesa e të huajve për të blerë apartamente në Shqipëri, ka rritur çmimet, sidomos në zonat bregdetare në jug.

Në një intervistë për Euronews Albania, Pipiria u shpreh se tanimë ka edhe gjermanë, belgë apo holandezë të cilët kërkojnë të blejnë apartament në vendin tonë.

Pipiria nënvizoi se në Dhërmi dhe Himarë, çmimet kanë shkuar në mbi 2000 euro/m2.

“Patjetër që është bregdeti, Vlora dhe Saranda. Operatorët kanë treguar që ndryshe nga vitet e kaluara, gjatë 2022-shit kanë pasur mundësi të mbyllin kontrata edhe në muajin korrik, gjë që nuk ndodh në përgjithësi. Në të njëjtën kohë, përtej tregut tradicional shqiptar, të Kosovës, të Maqedonisë, italian, çekë, polakë edhe ukrainas, kemi gjermanë, belghë, holandezë dhe nordikë.

Për këtë arsye, të dyja këto qytete kanë pasur rritjen më të madhe të çmimeve. Zona e Palasës, ka qenë 2000, është 2200 euro. Në Dhërmi ka qenë 2300 euro, tani është 2500 euro metri katror. Në Himarë jemi 2200-2500. Në Sarandë, ka qenë deri në 1500 euro, ka shkuar në 1900 euro”, theksoi ai.

LEXONI GJITHASHTU

• Eksperti Çoçoli: Tirana më e shtrenjtë se Beogradi, 4000 euro/m2 në ish-Bllok
• “Efektet e skandalit McGonigal”- avokati: Si ra çmimi i apartamenteve
• Sekuestrohen 4 apartamente më vlerë 300 mijë euro në Elbasan