Eksperti Çoçoli: Tirana më e shtrenjtë se Beogradi, 4000 euro/m2 në ish-Bllok

Eksperti i ekonomisë, Fatos Çoçoli thotë se Tirana është kryeqyteti më i shtrenjtë në rajon, madje edhe se Beogradi për apartamente në zonat ku ka një aktivitet të madh, duke iu referuar qendrës apo zonës së ish-Bllokut.

Në një intervistë për Euronews Albania, Çoçoli u shpreh se si mesatare, duke përjashtuar qendrën apo ish-Bllokun, Tirana është ndër kryeqytetet më të lira.

“Është për zonat e qendrës, pra, ia kalon edhe Beogradit. Qendra e Beogradit është deri në 3200 euro metri katror. Tirana jonë, për zonat e Bllokut ku mund të ndërtohet ose zonat e qendrës, shkon 3500-4000 euro metri katror. Është kryeqyteti më i shtrenjtë në rajon sa i përket zonave “VIP”, zonave ku pulson aktiviteti më i madh.

Në tërësi, po ta shikojmë si mesatare, është ndër kryeqytetet e lira të rajonit. Duke përjashtuar Bllokun, duke përjashtuar qendrën e Tiranës. Tirana është më e shtrenjta në qendër”, theksoi ai.

LEXONI GJITHASHTU

• “Efektet e skandalit McGonigal”- avokati: Si ra çmimi i apartamenteve
• Sekuestrohen 4 apartamente më vlerë 300 mijë euro në Elbasan
• Berisha sulmon Alda Klosin: Kushedi sa apartamente ka në Dubai