Kreu i Partisë Demokratike Sali Berisha akuzoi gjatë konferencës për shtyp këtë të premte, ish-zyrtaren Alda Klosi në banesën e të cilës u vodhën mijëra euro nga sanitarja Rozeta Dobi.
Berisha në fjalën e tij tha se Alda Klosi erdhi në Tiranë me një apartament 40 metra katrorë dhe tani zotëron 5 banesa në Shqipëri dhe kush e di sa të tjera ka në Dubai.
“Pra kemi të bëjmë një bashkëpunim mes Aldës dhe Rozetës për të larguar paratë nga shtëpia e Aldës. Qoftë me kasafortë, qoftë me dyshek.
Fytyra e vërtetë e qeverisë është Alda, që vjen në Tiranë me një apartament 40 metër dhe përfundon me shtatë apartamente, troje, llogari. Kushedi sa ka në Dubai ka ajo nga kontot e Arben Ahmetajt.
Ka shpërthyer vjedhja për fushë, thotë populli”, tha Berisha.
Gjithashtu kreu i PD-së shtoi se qeveria ka bërë çdo përpjekje për t’i mbyllur gojën Alda klosit.
“Janë bërë me dhjetëra kronika, me dhjetëra raportime, por një enigmë ku qëndron edhe çelësi i të vërtetës, nuk është trajtuar në dimensionin e duhur.
Nuk është trajtuar raporti Rozeta-kasaforta.
Sipas të gjitha të dhënave, Alda Klosi ose i mbante paratë në dyshek dhe flinte, se maniakët e parave, ndjehen komfort kur flenë në dyshekë të mbushur me parë, ose ajo i dha kodin e kasafortës. Ia dha në roje. Ia dha në mirëbesim.
Pra, këtu qëndron edhe rebusi. Ndërkohë, Rozeta Dobi ka marrë kërcënime nga më të mëdhatë. Qeveria ka bërë çdo përpjekje për t’i mbyllur gojën asaj”, tha Berisha.
LEXONI GJITHASHTU:
- Berisha: Alda Klosi bashkëpunoi me Rozetën për të larguar paratë
- Zhupa: Salianji përpjekje për të bashkuar grupin parlamentar, e mbështes
- “Dritan, nuk je vetëm”- Rama merr pjesë në prezantimin e librit të Abazoviçit
