Futbollisti më i vjetër në planet, 74-vjeçari Ezzeldin Bahader futet në librin Guinness

Ezzeldin Bahader është futbollisti më i vjetër profesionit në botë. Vetëm pak ditë para se të mbushë 75-vjeç, egjiptiani zhvilloi ndeshjen e tij të dytë në futbollin profesionit. Edhe pse ai është gjysh dhe ka dalë në pension, arriti që të luante për dy ndeshje të plota në ligën e tretë egjiptiane, duke u futur në librin Guiness.

Skuadra e tij “6th October u mund 3-2 nga El Ayat Sports, megjithatë vëmendja e të gjithëve ishte nga i moshuari, i cili shpërdoroi dhe një 11-metërsh. Bahader ka një mesazh për të gjithë, duke deklaruar se asnjëherë nuk është vonë për të arritur atë që dëshironi.

“Mos i kufizoni ambiciet tuaja, nëse keni një qëllim që nuk e arritët në rini, me vullnet mund ta arrini në çdo kohë, pavarësisht viteve që kalojnë. Dëshira ime është që të zhvilloj edhe një ndeshje tjetër që rekordi im të jetë i vështirë për tu arritur”, ka thënë Ezzeldin Bahader.

Në muajin mars, Bahader zhvilloi ndeshjen e tij të parë, ku arriti që të shënonte dhe gol, por pandemia bëri që ai të vendoste rekordin Guiness, pak ditë para se të festojë ditëlindjen e tij të 75-të. Më parë rekordi i futbollistit profesionist më të vjetër mbahej nga izraeliti Isaak Hayik.

Lexoni gjithashtu:

Nis sezoni i ri i Champions, Manchester United kryendeshja e mbrëmjes

Liga e Futbollit vendos të vijojë bojkotin e kampionatit