Zi në botën e modës, stilisti i njohur ndahet nga jeta në moshën 88-vjeçare

Bota e modës ndodhet në zi për shkak të vdekjes së Paco Rabanne. Stilisti i famshëm dhe krijuesi i parfumeve ka ndërruar jetë në moshën 88-vjeçare në shtëpinë e tij në Portstall, në veri-perëndim të Francës.

Pak pas ndarjes së tij nga jeta, marka e Rabanne në profilin e saj në Twitter postoi një mesazh në formë homazhi, ku e cilësonte atë si një nga njerëzit më vizionar të modës së shekullit të njëzetë. “Trashëgimia e tij do të mbetet një burim konstant frymëzimi”, thotë postimi.

I biri i një republikani spanjoll i vrarë nga regjimi i Frankos, Francisco Rabaneda emigroi në Francë me familjen e tij kur ishte vetëm 5 vjeç.

Atje ai shkëlqeu si një projektues, duke fituar famë në vitet ’60 për stilimin e fustaneve me pjesë plastike dhe metalike.

Në fund të shekullit të kaluar, Rabanne shkaktoi polemika pasi deklaroi se Parisi do të përfshihej nga flakët në vitin 2000.

Pak kohë më vonë ai u tërhoq nga profesioni dhe ndoqi një jetë të thjeshtë, larg mediave.

LEXONI GJITHASHTU

• Stilistja: Kostumi dhe këmisha oversize tregojnë më shumë sensualitet te gratë
• Stilistja: Meshkujt shqiptarë duan t’i kenë gratë nën kontroll
• Ndarja nga jeta e stilistes Westwood, Koka: Hoqi rregullat e veshjeve strikte