Arkitektët projektojnë ‘qytetin lundrues’, mund të strehohen deri në 50 mijë njerëz

Bota duhet të përgatitet për pasojat që do të sjellin ndryshimet klimatike. Arkitektët kanë nisur të projektojnë edhe qytete lundruese.

Një projekt i përbashkët arkitekturor anglo-italian ka prodhuar një koncept të ‘qytetit lundrues’, një grup shtëpish të ngjashme me rruzullin që supozohet se do të strehojnë deri në 50,000 njerëz në rast se ngrohja globale çon në përmbytje masive.

Imazhet e krijuara nga kompjuteri zbuluan se dizajni i imagjinuar i qytetit është i ngjashëm me filmin distopian fantastiko-shkencor të vitit 2013, “Elysium”.

Qyteti mbetet plotësisht në sferën virtuale, të paktën tani për tani. Por firmat arkitekturore planifikojnë të shfaqin projekte eko-krijimit të tyre në Bienalen arkitekturore me famë botërore që zhvillohet në Venecia.

“Qyteti lundrues është krijuar për të mbështetur reagimin global ndaj kërcënimit të ndryshimit të klimës. Qytetet lundruese do të formësojnë të ardhmen tonë.

Është e vështirë të përcaktohet se kur është projektuar qyteti i parë lundrues, pasi koncepti ka të ngjarë të ketë ekzistuar për shekuj. Megjithatë, vitet e fundit ka pasur propozime dhe dizajne të ndryshme për qytetet lundruese, për të përballuar ndryshimet klimatike.

Një nga konceptet më të dukshme të qytetit lundrues u propozua në vitin 2021 nga OCEANIX, i cili mori fonde nga OKB-ja për të ndërtuar një rrjet platformash për të strehuar 12,000 njerëz në qytetin e Busan, Koreja e Jugut.

Ndërtimi i OCEANIX Busan vlerësohet të kushtojë 200 milionë dollarë dhe pritet të përfundojë në vitin 2025.

LEXONI GJITHASHTU

• Jo vetëm Gjermania, një tjetër shtet evropian dërgon tanke Leopard 2 në Ukrainë
• “Do përgjigjemi me çdo gjë” Kërcënon Medvedev: E gjithë Ukraina do të digjet nëse…
• NATO ngre alarmin: Rusia po shkel traktatin e armëve bërthamore. Apeli i SHBA-ve