NATO ngre alarmin: Rusia po shkel traktatin e armëve bërthamore. Apeli i SHBA-ve

NATO i bëri thirrje Rusisë që të përmbushë detyrimet e saj në bazë të Traktatit për reduktime të programeve bërthamore të quajtur START.

Ishte kreu i NATO-s Jens Stoltenberg ishte ai i cili, kërkoi nga Moska që të përmbushë detyrimet ligjore, përfshirë dhe inspektimin për programet bërthamore.

“Ne shohim me shqetësim se Rusia ka dështuar të përmbushë detyrimet ligjore, përfshirë inspektimin për programet bërthamore dhe i bëj thirrje Rusisë të përmbushë detyrimet e saj sipas Traktatit”, shkroi në Tëitter Sekretari i Përgjithshëm i NATO-s, Jens Stoltenberg.

Reagim ka pssur dhe nga Departamenti amerikan i Shtetit, i cili ka thënë se Rusia po shkel Traktatin e ri START, i cili kufizon numrin e mbushjeve bërthamore që mund të dislokojnë Shtetet e Bashkuara dhe Rusia përmes raketave tokësore, detare dhe bombarduesve.

Zëdhënësi i Departamentit amerikan të Shtetit, Vedant Patel, tha se Rusia mund të “rikthehet lehtësisht” te zbatimi i marrëveshjes.

“Ekziston një rrugë e qartë për kthimin [te marrëveshja]. Ajo që Rusia duhet të bëjë është që të lejojë inspektimet në territorin e saj, ashtu siç veproi për vite me radhë sipas traktatit të START dhe të marrë pjesë në takimin e komisionit konsultativ dypalësh. Asgjë nuk i pengon inspektorët rusë që të vijnë në Shtetet e Bashkuara dhe të zhvillojnë inspektimet”, tha Patel, shkruan REL.

LEXONI GJITHASHTU:

• VIDEO/ SHBA-të në alarm, tullumbacja kineze e spiunazhit vëzhgon fushën bërthamore
• Ish-bashkëpunëtori i Putinit: Lufta është e humbur, ekonomia ruse është në kolaps