Tërmeti tragjik në Turqi, flet i tronditur deputeti: Familja ime ndodhet nën rrënoja

Deputeti turk i Partisë AK në Hatay, Huseyin Yayman, në një komunikim për mediat turke pas tërmetit, tha se familja e tij është ende nën rrënoja.

Deputeti Yayman tha se si pasojë e tërmetit shkatërrimtar që goditi Turqinë juglindore shumë familjarë të tij ndodheshin ende nën rrënoja së bashku me fëmijët e tyre.

Jayman tha: “Dy vëllezërit e mi, gratë e tyre, motra ime, kunati im dhe fëmijët e tyre janë nën rrënoja. Ka të çara në rrugë, të gjithë janë të mobilizuar”.

Epiqendra e lëkundjeve 7.8 ballë të shkallës Rihter ishte në juglindje të Turqisë dhe veriun e Sirisë.

Zëvendëspresdenti i Turqisë, Fuat Oktay, tha se numri i viktimave ka arritur në 284, ndërkaq 2.323 të tjerë janë plagosur.

Ministria e Shëndetësisë së Sirisë tha se 237 persona janë vrarë në provincat e kontrolluar nga Qeveria, në Alepo, Hama dhe Tartus, ndërkaq mbi 600 persona të tjerë janë plagosur.

Epiqendra e tërmetit të së hënës ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 6.7 ballë të shkallës rihter.

LEXONI GJITHASHTU: 

• “Jemi të tmerruar, s’kemi përjetuar kurrë diçka të tillë”, flasin qytetarët në Turqi
• Holanda dërgon ekipin e kërkim-shpëtimit në Turqi
• Pamjet e tërmetit apokaliptik në Turqi, momenti kur shembet pallati 7-katësh