Holanda dërgon ekipin e kërkim-shpëtimit në Turqi

Holanda do të dërgojë një ekip kërkim-shpëtimi në Turqi pas tërmetit që mori jetën e mbi 500 personave e plagosi qindra të tjerë.

Lajmin e ka bërë me dije Ministri i Jashtëm holandez Wopke Hoekstra.

“Ky ekip përfshin policë dhe personel ushtarak, reagues të ndihmës së parë dhe zjarrfikës, tha Hoekstra në Twitter.

“Të tronditur nga lajmi i tërmetit shkatërrues në Turqi dhe Siri. Mendimet tona janë me viktimat, familjet e tyre dhe shumë turq e sirianë të plagosur.”

Agjencia e Menaxhimit të Fatkeqësive dhe Emergjencave të Turqisë (AFAD) i bëri thirrje më parë komunitetit ndërkombëtar për ndihmë në përpjekjet e kërkimit dhe shpëtimit.

LEXONI GJITHASHTU: 

• “E marta dhe e mërkura ditët më të ftohta”, parashikimi i motit për javën
• Tërmeti më i fortë në shekullin e fundit, shkon mbi 500 numri i viktimave në Turqi