Duka takon kryeministrin, kreu i FSHF-së: Rama do zgjedhë propozimin e Ligës Profesioniste

Presidenti i Federatës Shqiptare të Futbollit dhe kryeministri i Shqipërisë Edi Rama kanë pasur një takim mesditën e së premtes, ku kanë diskutuar për situatën e krijuar në vend, pas vendimit të bojkotit të kampionatit kombëtar të futbollit.

Numri një i FSHF-së ka deklaruar se ka marrë premtimin që situata do të zgjidhet e aktiviteti do të rikthehet shumë shpejt.

“Në një tavolinë që liga ka pasur me ministrinë e financave është premtuar se dy portretizimet do shkojnë në qeveri. Kam pasur një takim me kryeministrin dhe më ka premtuar që do të marrë në konsideratë propozimin tonë”, tha kreu i FSHF.

Duka veçoi se vendimi për fundin e bojkotit do të merret pasi qeveria te shqyrtoje draftet qe ka ne tavoline. Presidenti i FSHF-se shtoi se nuk ishte diçka pozitive që gjërat shkuan deri në pikën që të merrej vendimi për bojkot te kampionatit. 

“Jam i mendimit që një orë e më parë të luhet dhe nuk duhej të ishte ndërprerë kampionati pa arritur në radikalizëm. Uroj që kjo të ndodhë të paktën me ndonjë ndryshim apo ndonjë premtim të dyshimit legjislativ”, u shpreh Duka.

Prej më shumë se një muaji e gjysmë, sezoni futbollistik në të gjitha nivelet nuk është zhvilluar, por gjasat janë që kjo të jetë fundjava e fundit pa aktivitet.