Gazetarja e Euronews raporton pranë banesave të rrënuara në Turqi

Gjysma e ndërtesave nga vendi ku raportoi Maria Moiș, gazetare e Euronews Rumani ishte shembur.

“E shihni, kjo ndërtesë është thuajse e shkatërruar. Ekipet e shpëtimit mendojnë se një fëmijë katër vjeçar mund të jetë gjallë nën rrënoja. Gjashtë persona shpëtuan në kohë, edhe pse lëkundjet e tërmetit që ra natën, ishin të forta. 50 persona mendohet se kanë vdekur, të gjithë banorë të kësaj godine. Të tjera ndërtesa si kjo janë të plasaritura, njerëzit kanë frikë të hyjnë brenda. Në rrugë mund të shihni shumë njerëz me bagazhe, gati për të shkuar në një vend më të sigurt,” – tregoi gazetarja ndërsa përshkruante pasojat e tërmetit tragjik që goditi Turqinë mëngjesin e së hënës.

“Shikoni një tjetër ndërtesë, të cilën autoritetet u munduan të shpëtonin sa më shumë jetë të mundeshin. Shumë afër kësaj ndërtese, autoritet këtu në rajonin e Gaziantep, kanë ngritur një kamp refugjatësh, ku njerëzit mund të marrim ujë, ushqime dhe batanije,” – shtoi ajo.

Siç shpjegoi Moiș çdo rrugë është e bllokuar dhe vetëm ekipet e shpëtimit kanë akses kalimi.

LEXONI GJITHASHTU:

• MEPJ-shqiptarëve në Turqi: Telefononi në këta numra nëse jeni në zonat e tërmetit
• E trishtë! Një person në Siri humb 12 anëtarët e familjes nga tërmeti (VIDEO)