Ekipi i dytë i FSK-së niset drejt Turqisë

Ashtu siç paralajmëroi sot kryeministri Kurti, tashmë është nisur drejt Turqisë edhe një ekip i Forcës së Sigurisë së Kosovës, për të mbështetur operacionet e kërkim-shpëtimit në zonat e prekura nga tërmeti.

Ekipi i përbërë nga oficerë e nënoficerë do t’i bashkohet kontingjentit për të mbështetur operacionet me personel dhe pajisje të specializuara të punës që do të ndihmojnë në zhvillimin sa më efikas të operacioneve, thuhet në njoftimin e Forcës së Sigurisë së Kosovës, raporton KosovaPress.

Një tërmet tragjik goditi Turqinë dhe Sirinë mëngjesin e së hënës.

Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave vazhdojnë punën për nxjerrjen e personave që ndodhen nën rrënoja.

LEXONI GJITHASHTU:

• Numri i të vdekurve nga tërmeti në Turqi dhe Siri i kalon 23.000
• 13 shkurti shpallet ditë zie në nder të viktimave të tërmetit në Turqi