Futbolli mbetet në pritje, nuk ka përgjigje zyrtare nga qeveria, të enjten afati i fundit

Liga profesioniste e futbollit vijon të mbetet në pritje të një përgjigje zyrtare nga Ministria e Financave në lidhje me kërkesat e paraqitura.

Pas një mbledhje të mbajtur ditën e sotme mes përfaqësuesve të klubeve të futbollit u vendos që t’i jepet edhe disa ditë kohë qeverisë për të mbajtur një qëndrim përfundimtar.

Nëse nuk do ketë një përgjigje deri të enjten atëherë presidenti i Ligës Profesioniste Edvin Libohova, u shpreh se përfaqësuesit e klubeve do të mblidhen sërish për të vendosur se çfarë do ndodhë me kampionatin.

“Po i lëmë një afat tjetër, për të pasur një përgjigje dhe më pas do mblidhemi për të marrë vendimin përfundimtar. Nuk e dimë pse ende nuk ka ardhur një përgjigje përfundimtare. Nuk ka një ngërç. Nëse nuk vjen deri ditën e enjte, do mblidhte Liga ditën e premte dhe më pas do vendosim,” – tha Libohova.

Ndër të tjera presidenti i Ligës Profesioniste u shpreh se kjo përudhë e gjatë shkëputje nuk do ta dëmtojë aspak kampionatin dhe se çdo gjë është gati për të filluar sapo kërkesat e tyre të marrin një zgjidhje.

Lexoni gjithashtu:

Mblidhet Liga Profesioniste, pritet reagimi i qeverisë dhe rikthimi i futbollit

“Tym i bardhë” për futbollin shqiptar, Fidel Ylli jep lajmin në Euronews Albania

Plotësohen tre nga katër kërkesat e Ligës së Futbollit, ende s’ka marrëveshje për ligjin e sponsorizimeve