Numri i të vdekurve nga tërmetet turko-siriane arrin në mbi 40 mijë

Më shumë se një javë pas katastrofës së tërmetit në rajonin kufitar turko-sirian, numri i përgjithshëm i të vdekurve është rritur në mbi 40 mijë, njoftoi sot agjencia shtetërore turke e lajmeve “Anadolu”.

Vetëm në Turqi, numri i të vdekurve ka arritur në 35, 418, tha sot presidenti turk Recep Tayyip Erdogan.

Numri i të vdekurve në Siri raportohet të jetë 5, 900.

Pak më shumë se një javë më parë, në orët e para të mëngjesit të së hënës, rajoni u godit nga një tërmet me magnitudë 7.7 ballë dhe disa orë më vonë nga një tërmet i dytë i fortë me magnitudë 7.6 ballë.

Autoriteti turk i kontrollit të fatkeqësive AFAD deri më tani ka regjistruar mbi 2, 400 pasgoditje.

Sipas vlerësimeve të Kombeve të Bashkuara, numri mund të rritet në 50 mijë ose më shumë.

LEXONI GJITHASHTU:

• Shpresë 9 ditë pas tërmetit! I gjallë 18-vjeçari, punohet për të nxjerrë 3 të tjerë
• Si po mbijetojnë fëmijët nën rrënoja? 5-vjeçari shpëtohet 105 orë pas tërmetit