Tërmeti në Turqi, e moshuara nxirret gjallë nga rrënojat pas 212 orësh

Më shumë se nëntë ditë pasi tërmetit të fuqishëm që goditi Turqinë dhe Sirinë, ekipet e shpëtimit ende po nxjerrin njerëz të gjallë nga rrënojat.

Ministria e Mbrojtjes Kombëtare e Turqisë publikoi një video që tregon disa persona të ekipit të shpëtimit, duke nxjerrë një grua 77-vjeçare nga rrënojat në qytetin e Adiyaman, rreth 212 orë pas tërmetit.

Ajo u identifikua si Fatma Gungor dhe familja e saj e përqafoi pasi ajo u shpëtua, shkruan CNN.

Një tjetër grua, e identifikuar si 45-vjeçarja Melike İmamoğlu, u shpëtua pas 222 orësh nën rrënoja në qytetin e Kahramanmaras.

Më herët, ekipet në Turqinë jugore thanë se po dëgjonin ende zërat e të mbijetuarve nën rrënoja.

LEXONI GJITHASHTU

• 41 mijë viktima nga tërmeti, autoritetet turke: Katastrofa më madhe në 100 vite
• Pas Turqisë, një tërmet i fuqishëm godet Zelandën e Re
• VIDEO/ 42-vjeçarja nxirret e gjallë nga rrënojat pas 222 orësh nga tërmeti në Turqi