Joe Biden hedh votën, 53% kuota e qytetarëve amerikanë që kanë votuar

Kandidati demokrat për president, Joe Biden dhe bashkëshortja e tij Jill votuan të mërkurën për zgjedhjet presidenciale, duke iu bashkuar mbi 74 milionë amerikanëve që kanë votuar kur kanë mbetur 6 ditë nga kontesti.

Biden votoi në qytetin e tij të lindjes, Uillimgnton, në shtetin e Delauerit, ku ai pritet të fitojë lehtë. Në fund të votimit, pretendenti për Shtëpinë e Bardhë iu përgjigj interesit të medias lidhur me situatën në Filadelfia, ku së fundmi janë mbajtur një seri protestash pas vrasjes së një personi me ngjyrë nga policia.

 “Ajo që mund të them është se nuk ka justifikim për plaçkitjet dhe dhunën, për çfarëdo qoftë. Mendoj se të protestosh është tërësisht legjitime dhe e arsyeshme. Por mendoj gjithashtu se plaçkitja, sikurse thanë dhe familjarët e viktimës, nuk duhet të ndodhë”, tha Biden.

Donald Trump, që ka mbajtur më shumë evente elektorale, votoi të shtunën e kaluar në një librari publike në Florida, fare pranë një prej klubeve të tij të golfit. Ai e ndryshoi rezidencën e tij nga Nju Jorku rreth 1 vit më parë.

Numri i personave që kanë votuar deri tani përbëjnë më shumë se 53 për qind të votuesve që dolën në zgjedhjet e 2016-s, sipas një përllogaritjeje të bërë nga Komisioni Elektoral Amerikan në Universitetin e Floridës.

Deri tani Biden kryeson në sondazhet kombëtare, gjë që tregon pakënaqësinë publike ndaj menaxhimit që administrata Trump i ka bërë krizës më të rëndë shëndetësore në historinë e Shteteve të Bashkuara.