Presidentja e Oscar e pranon: “Shuplaka” nuk u ndëshkua mjaftueshëm

Presidentja e akademisë së çmimeve Oscar, Janet Young tha sot se reagimi i tyre pasi aktori Ëill Smith goditi prezantuesin Chris Rock në ceremoninë e çmimeve 2022 nuk ishte mjaftueshëm.

Ajo vlerësoi se Akademia “duhej të vepronte shpejt dhe me vendosmëri”, raporton BBC.

Smith e goditi Rock në skenë pasi ky i fundit bëri një shaka me gruan e Smith, Jade, dhe disa minuta më vonë, me lot në sy pranoi çmimin për aktorin më të mirë në “King Richard”.

Akademia u kritikua nga publiku sepse lejoi Smith të vazhdojë të marrë pjesë në ceremoni pas shuplakës.

“Ajo që ndodhi në skenë ishte krejtësisht e papranueshme dhe përgjigja e akademisë sonë nuk mjaftoi,” tha Young.

Pas shuplakës, akademia vlerësoi edhe njëherë çështjen duke vendosur që Smith të ndalohej nga aktivitetet e Oscar për 10 vitet e ardhshme.

Smith kërkoi falje disa herë dhe i quajti veprimet e tij “tronditëse, të dhimbshme dhe të pafalshme”.

Chris Rock nuk ngriti akuza dhe disa muaj më vonë foli publikisht për shuplakën, duke u shprehur se ai “nuk ishte viktimë”.

LEXONI GJITHASHTU:

• OSCARS 2023, filmi gjerman mbi luftën thyen rekord me 8 nominime
• “Shqipëria është zero”, regjisori i filmit për Oscar: Shteti nuk ka fonde