Ish-policët deklarohen të pafajshëm për vrasjen e të riut me ngjyrë

Pesë ish-policët në Memfis të Shteteve të Bashkuara, që akuzohen për vrasjen e Tyre Nichols, janë deklaruar të pafajshëm gjatë paraqitjes së tyre të parë para gjykatës.

Tadarrius Bean, Demetrius Haley, Desmond Mills Jr, Emmitt Martin III dhe Justin Smith ishin të përfshirë në arrestimin e Nichols më 7 janar.

Ata u përjashtuan nga puna pasi departamenti i policisë në Memfis kreu një hetim të brendshëm.

Vdekja e Nichols nxiti protesta kundër brutalitetit të policisë në SHBA.

Gjykatësi James Jones Jr., konfirmoi se pesë ish-policët janë deklaruar të pafajshëm për akuzat e vrasjes së shkallës së dytë, sulm, rrëmbim, sjellje të papërshtatshme zyrtare dhe shtypje zyrtare.

LEXONI GJITHASHTU:

• “Mami! Mami!”- Publikohen pamjet e vrasjes së 29-vjeçarit nga policia në SHBA
• SHBA në kaos, shpërthejnë protestat në mbarë vendin pas vrasjes së 29-vjeçarit