Hapet tuneli i Llogarasë, ja sa ka kushtuar rruga

Kjo ishte rruspa që dha fund gërmimeve poshtë qafës së Llogarasë. Drita në fund të tunelit 6 km të gjatë doli në datë 31 janar, pas 440 ditësh gërmime. Qeveria e sheh këtë projekt, që nis nga Ura e Shën Elizës dhe del në Palasë, si plotësimin e gjerdanit të gjithë investimeve të jugut.

Ky investim kryeson listën e projekteve me vlerë të lartë e që ndërtohet me financim të brendshëm. Për vitin 2023, ai do të rrëmbejë 60 mln euro, nga 150 mln që kushton gjithësej.

Rruga ka nisur në mes të vitit 2022 dhe qeveria zotohet ta presë shirtin, jo në gusht, siç e parashikon kontrata, por në 1 qershor të vitit të ardhshëm.

Kjo rrugë do të shkurtojë distancën me Sarandën, për këdo që nuk do të zgjedhë të kalojë nga Qafa e Llogarasë, me rreth 45 minuta. Rruga e re, padyshim që do t’i japë zhvillim turizimit e tregtisë, por teksa ndërtohet, për të ka edhe argumente kundër.

LEXONI GJITHASHTU

• Do të kushtojë 1.1 mld euro, kur bëhet realitet Korridori Blu
• Historiku i ndërtimit të rrugëve në Shqipëri, sa km janë ndërtuar 15 vitet e fundit
• 1 mld euro investime publike për 2023-shin, gjysma në infrastrukturë