“Samit i përbashkët me Putinin”, presidenti kinez planifikon vizitë në Moskë

Udhëheqësi kinez, Xi Jinping po përgatitet të vizitojë Moskën për një samit me presidentin rus Vladimir Putin në muajt e ardhshëm.

Kështu raportoi të martën Wall Street Journal, duke cituar burime të besueshme.

Takimi i Xi me Putinin do të jetë pjesë e një shtytjeje për bisedime paqeje shumëpalëshe dhe do të lejojë Kinën të përsërisë thirrjet e saj që armët bërthamore të mos përdoren.

Kryediplomati kinez, Wang Yi ndodhet aktualisht në Moskë, duke shënuar vizitën e parë në Rusi nga një zyrtar kinez që nga fillimi i pushtimit.

Pekini ka pretenduar paanshmëri gjatë konfliktit, por nuk e ka dënuar pushtimin dhe ka vazhduar të zgjerojë lidhjet tregtare dhe të kryejë stërvitje të përbashkëta ushtarake me Rusinë.

LEXONI GITHASHTU

• Putin: Nuk do përdorim armë bërthamore, por jemi gati
• Biden mesazh Putinit nga Varshava: Demokracia po qëndron në këmbë
• Putin kërcënoi Perëndimin dhe pezulloi traktatin e armëve bërthamore, reagon NATO