Tërmeti shtoi fluksin në spitale, mjeku shqiptar në Izmir: Situata po kontrollohet me sukses

Të paktën 37 persona kanë humbur jetën dhe mbi 800 të tjerë kanë mbetur të plagosur si pasojë e tërmetit shkatërrimtar, i cili goditi një ditë më parë gjirin e Egjeut.

Ekipet e kërkim-shpëtimit vijojnë punën për të nxjerrë personat e mbetur poshtë rrënojave të pallateve të shembura. Nga ana tjetër spitalet ne Izmir janw përballur me fluks të shtuar pasi shumë qytetarë të plagosur kishin nevojë për ndihmë.

Mjeku shqiptar në Izmir, Gëzim Dauti, deklaroi për Euronews Albania se në spitalin ku ai punon ka patur shtim të ndjeshëm të qytetarëve me trauma fizike, por situata shoti ai është nën kontroll

“Unë konkretisht isha gjatë natës në krye të detyrës, situata ishte e mbingarkuar në krahasim me ditët e tjetra si pasojë e tërmetit. Vazhdonin të vinin raste, kishim raste traumash, jo vetëm fizike, por filluan të dalin në pah efektet e tjera që janë ato psikologjike. Erdhën shumë pacientë me trauma psikologjike që kishin nevojë për mbështetje. Situata u kontrollua me sukses”, u shpreh mjeku shqiptar Gëzim Dauti, i cili jeton dhe punon në Izmir të Turqisë. 

Lexoni gjithashtu: 

Rëndohet bilanci nga tërmeti në Egje, shkon në 37 numri i viktimave

Tërmeti në Turqi, nxirret e gjallë pas 18 orësh e bllokuar një nënë me tre fëmijë

Tërmeti në Izmir, zv.drejtori i Gjysmë Hënës së Kuqe për Euronews Albania: Këshillat që duhet të ndjekin njerëzit

Tërmeti shtoi fluksin në spitale, mjeku shqiptar në Izmir: Situata po kontrollohet me sukses