Lideri çeçen i ndan vetes medaljen “Heroi i Çeçenisë”

Ramzan Kadyrov, lideri autoritar i rajonit rus të Çeçenisë në Kaukazin Verior, i ka ndarë vetes medaljen “Heroi i Çeçenisë”.

Medalja që mori Kadyrov më 24 shkurt ishte krijuar nga vetë ai në tetor të vitit të kaluar për të “nderuar çeçenët” që marrin pjesë në pushtimin rus të Ukrainës, që të premten shënon njëvjetorin e nisjes.

Në dekretin e nënshkruar nga Kadyrovit u tha se kushdo që e meriton këtë medalje duhet ta pranojë nga kryetari i rajonit, shkruan REL.

Më herët gjatë këtij muaji, u bën disa ndryshime kushtetuese, përmes së cilave u mundësua që titulli i liderit të Çeçenisë të ndryshohet në “babai i popullit”.

Kadyrov ka dërguar në Ukrainë edhe anëtarë të grupit të tij për të luftuar përkrahë forcave të rregullta ruse në Ukrainë, dhe është raportuar se ai personalisht ka qëndruar në Ukrainë në marsin e vitit të kaluar.

Megjithatë, Kadyrov shpesh ka qenë kritik edhe ndaj komandantëve të lartë rusë lidhur me mënyrën se si kanë udhëhequr pushtimin e Ukrainës.

LEXONI GJITHASHTU:

• Fatos Çoçoli: Kostoja e luftës në Ukrainë, 470 euro për çdo qytetar shqiptar
• Eksperti: Ukrainës i duhen 30 vjet për t’u rimëkëmbur