Eksperti: Ukrainës i duhen 30 vjet për t’u rimëkëmbur

Eksperti i ekonomisë, Fatos Çoçoli tha në një intervistë për Euronews Albania se Ukrainës do t’i duhen të paktën 30 vite për t’u rimëkëmbur ekonomikisht.

1.1 triliardë euro është kosto e luftës 1 vit pas nisjes së agresionit rus.

“E dhëna e fundit është që 1 e treta e prodhimit kombëtar të Ukrainës ka humbur. Domethënë nuk kanë arritur dot të prodhojnë as energji, që më parë kanë qenë eksportuesit më të mëdhenj të energjisë, nuk kanë arritur të prodhojnë as grurin që Ukraina ishte eksportuesja e tretë më e madhe në botë,” – u shpreh Çoçoli.

Lufta në Ukrainë hyri në vitin e saj të dytë të premten, teksa një votim i OKB-së kërkon që Rusia të tërheqë forcat e sa.

Liderët globalë janë të vendosur të forcojnë ndihmën për Ukrainën dhe të vendosin sanksione të reja ndaj Moskës dhe vendeve që e mbështesin atë, shkruan Reuters.

Ndërsa luftimet vazhduan në lindje dhe jug të Ukrainës, aleatët e saj në mbarë botën treguan mbështetjen e tyre në përvjetorin e parë të pushtimit të Rusisë.

LEXONI GJITHASHTU:

• ‘Sot qyteti u boshatis’, qytetarja nga Ukraina tregon çfarë ndodhi
• Sulme në lindje të Ukrainës, Putin: Do forcojmë ushtrinë me artileri të avancuara