Një person ka humbur jetën, pas të shtënave pranë selisë së Shërbimit të Sigurisë në Rusi

Shërbimi Federal i Sigurisë së Rusisë, FSB-ja, ka raportuar se një prej punonjësve të tyre ka humbur jetën ndërsa dy të tjerë janë plagosur rënde pasi agresori ka hapur zjarr pranë selisë së tyre në Moskë.

Agresori është “neutralizuar” teksa ngjarja ka ndodhur në momentin që Presidenti rus ishte duke mbajtur një fjalim para oficerëve të FSB-së.

Korrespondentja e Euronews Galina Polonskaya ka raportuar se: “Dimë se FSB-ja ka thënë se ka neutralizuar të dyshuarin dhe se kanë konfirmuar identitetin e tij”.

“Ngjarja ka ndodhur pranë selisë së FSB-së, pak kohë pas përfundimit të konferencës së Presidentit rus”.

Polonskaya tha se agresori përdorte armë të llojit “Kalashnikov”. 

19 dhjetori, i njohur si Dita e Shërbime të Sigurisë, është një festë kombëtare në Rusi. Më parë, Vladimir Putin mbajti konferencën e përvitshme me median në kryeqytetin rus.

Presidenti rus Vladimir Putin përgjigjet në konferencën e përvitshme të lajmeve