Gara për Shtëpinë e Bardhë, analisti Gashi: Mbështetja amerikane për shqiptarët është dypartiake

Zgjedhjet presidenciale në Shtetet e Bashkuara të Amerikës është tema më e diskutuar e momentit, ku fitorja e njërit apo tjetrit kandidat do të parashtrojë edhe një hipotezë potenciale të mënyrës se si mund te ndryshojnë politikat e jashtme të SHBA-së. 

Euronews Albania zhvilloi një bisedë me analistin politik Drilon Gashi, i cili u shpreh se ndryshe nga herët e kaluara, vota e këtij viti në SHBA konsiderohet si “vota më domethënëse e amerikanëve”.

“Në po gjendemi në një atmosferë më ndryshe se sa në zgjedhjet e mëparshme. Kësaj here kemi mbase votën më domethënëse në historinë e fundit të amerikanëve. Filluan me debate shumë ndryshe nga se kemi parë herët e kaluara nga të dyja palët, dhe pastaj kaluam në ditët e fundit në fushatë  në ato shtet, që cilësohen si një “fushëbetejë”, tha ai.

Pjesa e cila shihet me domethënie të veçantë ka të bëjë me shqiptarët dhe zgjedhjen e tyre mes Trump apo Biden. Analisti shtoi se SHBA ka një mbështetje dypartiake për shqiptarët, ndërkohë kandidatin demokrat Joe Biden e shikon më të favorshëm për interesin e Kosovës dhe Shqipërisë.

“Në të dyja palët shqiptarët do të gjejnë mbështetjes pavarësisht rezultatit. Besoj se kam një bindje se Zoti Biden për shkak të lidhjes me Kosovën, mbase do t’i çonte me tej lidhjet. Përkrahja amerikane për shqiptarët ka qenë dypartiake, por z. Biden portretizon një Amerikë më të bashkuar”, shtoi ai.