Trump: Po mundohen t’i vjedhin zgjedhjet, por nuk do t’i lejojmë

Presidenti në detyrë Donald Trump ka ngritur pretendimet për përpjekje për “të vjedhur” zgjedhjet.

Përmes një postimi në Twitter, Trump replikoi në distancë pas konferencës për shtyp të mbajtur nga kandidati demokrat Joe Biden, duke u shprehur se situata që kanë republikanët është pozitive.

“Jemi shumë lart, por ata po përpiqen të vjedhin zgjedhjet. Ne nuk do t’i lëmë ta bëjnë këtë. Votat nuk mund të hidhen pas përfundimit të procesit,” – shkroi në Twitter Trump.

We are up BIG, but they are trying to STEAL the Election. We will never let them do it. Votes cannot be cast after the Polls are closed!

— Donald J. Trump (@realDonaldTrump) November 4, 2020

Komenti i Trumpit u cilësua nga Twitter si problematik dhe “që mund të çojë në një përfundim të gabuar”. BBC ndërkohë raportoi se ky ishte një nga rreth 70 komentet që Trump ka bërë rreth çështjes së votimit me postë.

Trump e shkroi komentin e tij pasi Biden u shpreh gjatë konferencës për shtyp se ishte optimist për rezultatin dhe se “nuk është në dorën e Trump për të përcaktuar fituesin” por “në dorën e amerikanëve”.

Replikat në distancë vijnë pas qëndrimeve të kundërta për sa i përket shqyrtimit të votave me postë.

Diplomati Richard Grenell, i njohur si krahu i djathtë i Donald Trump në marrëdhëniet ndërkombëtare, komentoi në Twitter se “sondazhet e mediave janë shumë të gabuara” dhe që “nuk duan ta pranojnë”.

“Trump është më lart aktualisht në Michigan, Wisconsin dhe Pennsylvania. Prandaj mediat tani duan t’i ndihmojnë demokratët të zgjasin procesin në përpjekje për të pritur vota të tjera ditët që do të vijnë,” – shkroi Grenell në Twitter.

The media’s polls were very wrong. But they won’t admit it.

Trump is currently up in Michigan, Wisconsin and Pennsylvania.

So the media will now help the Democrats extend deadlines to go looking for additional votes over the next days.

— Richard Grenell (@RichardGrenell) November 4, 2020

“Pushimi i numërimit të votave është i dyshimtë, shumë i dyshimtë, mund të bëhet për të fituar më tepër kohë… mos i lejoni të peshkojnë për vota,” – shtoi më tej në një koment tjetër Granell.

Lexoni gjithashtu:

Biden mban fjalim pas zgjedhjeve: Besojmë se jemi në rrugën e fitores

Live Blog: Rezultatet e zgjedhjeve në SHBA, Trump-Biden në garë të ngushtë