Fond rijetëzimi për të ruajtur vlerat karakteristike të Gjirokastrës

Braktisja e disa godinave muzeale në Gjirokastër po sjell dëmtimin e vlerave arkitektonike dhe ndërtimore të tyre.

“Drejtoria Rajonale e Trashëgimisë Kulturore Gjirokastër ka kryer inspektime të përhershme në të gjitha objektet të cilat i ka në administrim ose është në proces të kryerjes së inspektimeve për të evidentuar dhe problematikat për të mos arritur deri në shembje. Por është e domosdoshme bashkëpunimi me pronarin pasi në fund të ditës është prona e tij, është pronë private”, thotë Ardis Duk, Dejtor i Trashëgimisë Kulturore në Gjirokastër.

Për këtë vit, Ministria e Kulturës ka çelur bonusin e rijetëzimit duke i dhënë mundësi pronarëve të monumenteve të kulturës të përfitojnë financime për restaurimin e godinave muzeale.

“Këtu është e domosdoshme bashkëpunimi me pronarin ose poseduesin e pronës sepse në një nga komponentët e saj është pjesa e bashkëfinancimit në qoftëse një pjesë shteti ta subvencionon pjesën tjetër duhet ta vendosi poseduesi i pronës ose pronari i saj”, theksoi Duka.

Në qytetin e Gjirokastrës po investohet për restaurimin dhe rijetëzimin e vlerave të trashëgimisë kulturore ku një rol të rëndësishëm kanë edhe investimet e vetë banorëve dhe biznesit lokal.