Asociacioni lojë politike e Kurtit, Gashi: Është burrë shteti, s’i shkel premtimet!

Avokati Tomë Gashi tha në një intervistë për Euronews Albania se Albin Kurti nuk do ta nënshkruajë marrëveshjen për asociacionin.

Sipas tij, deklarata e Kurtit pas takimit me Vuçiç në Bruksel më 27 shkurt ishte një lojë politike dhe tregon aftësitë e tij si burrë shteti.

“Në takimin e 27 shkurtit Albin Kurti luajti rolin e burrështetasit shumë mirë dhe u deklarua se ishte i gatshëm ta nënshkruajë. Ishte një lojë politike shumë e mençur, siç kemi bërë me rastin e Rambujesë para 24 viteve dhe nisën bombardimet kundër Serbisë. Me Kurtin dhe Osmanin nuk do të shihemi nga ndërkombëtarë si një shtet që nuk do të bashkëpunojë, por gjithmonë do të mbetet Serbia se ajo kërkon diçka më territorin e një shteti tjetër”, tha Gashi.

LEXONI GJITHASHTU:

• Osmani për takimin Kurti-Vuçiç: Pres që ndërkombëtarët t’i bëjnë presion Serbisë
• Takimi në Ohër, Kurti: Po shqyrtojmë 15 modelet e ofruara për asociacionin