Pesë të vdekur dhe 596 raste të reja me Covid-19 në Kosovë

Gjatë 24 orëve të fundit në Kosovë janë kryer 1559 testime të dyshuara për Covid-19, ndërsa 596 prej tyre kanë rezultuar të infektuar.

Lajmi bëhet i ditur nga Instituti Kombëtar i Shëndetësisë Publike, i cili thekson se për shkak të komplikacioneve shëndetësore në 24 orët e fundit kanë humbur jetën pesë pacientë.

 Prej fillimit të pandemisë kanë humbur jetën 773 qytetarë.

“Numri total i rasteve pozitive është 25.388 raste nga 110.041 persona të dyshimtë në virusin SARS-CoV-2 dhe 773 raste të vdekjes.  Gjatë 24 orëve të fundit, janë shëruar 136 pacientë derisa numri i përgjithshëm i të shëruarve deri më sot është gjithsej 16.362 raste, kurse numri i rasteve aktive është 8.253”, njofton IKSHPK-ja.

Rastet pozitive:

Komuna Prishtinë 295 raste, komuna Gjilan 51 raste, komuna Gjakovë 39 raste, komuna Fushë Kosovë 38 raste, komuna Prizren 26 raste, komuna Lipjan 17 raste, komuna Viti 14 raste, komuna Deçan 13 raste, komuna Drenas 13 raste, komuna Kamenicë 13 raste, komuna Pejë 11 raste, komuna Rahovec 10 raste, komuna Suharekë 8 raste, komuna Klinë 6 raste, komuna Podujevë 6 raste, komuna Kaçanik 5 raste, komuna Malishevë 5 raste, komuna Vushtrri 5 raste, komuna Ferizaj 4 raste, komuna Mitrovicë 4 raste, komuna Obiliq 4 raste, komuna Istog 2 raste, komuna Junik 2 raste, komuna Shtime 2 raste dhe me nga një rast komunat Hani i Elezit, Novobërdë dhe Skenderaj. 

Autoritetet shëndetësore u bëjnë apel qytetarëve të tregohen të kujdesshëm, ndërsa shtojnë se duke respektuar protokollet anti-covid rriten shanset për të frenuar përphapjen e gjerë të virusit në popullatë.