Borrell: Do të ndjekim nga afër zbatimin e marrëveshjes së Ohrit

Përfaqësuesi i lartë i Bashkimit Evropian, Josep Borrell deklaroi e marrëveshja e Ohrit duhet të zbatohet në tërësi nga Kosova dhe Serbia.

Borrell, para samitit të liderëve të Bashkimit Evropian, është shprehur se do të ndjekin nga afër se kush po e zbaton marrëveshjen dhe kush nuk po e zbaton.

Ai ka këshilluar Kosovën dhe Serbinë që të mos fajësojnë askënd, por siç ka potencuar “të bëjnë punën e tyre”.

“Duhet të zbatohet dhe nuk ka vend për zgjedhje, duhet të zbatohet në tërësi, dhe ne do të ndjekim nga afër kush po e zbaton dhe kush nuk po e zbaton. Dhe unë do t’i këshilloja ata të mos fajësojnë askënd, por të bëjnë punën e tyre”, theksoi Borrell.

LEXONI GJITHASHTU

• LIBE miraton liberalizimin e vizave për Kosovën