Pandemia e Covid-19, 11 të vdekur dhe rreth 700 të infektuar në Kosovë

Pandemia e Covid-19 vijon të mbetet agresive në Kosovë. Gjatë 24 orëve të fundit janë kryer 1865 teste të dyshuara për Covid-19, ndërkaq 688 prej tyre kanë rezultuar pozitivë më coronavirus.

Lajmi bëhet i ditur nga Institutit Kombëtar i Shëndetësisë Publike, i cili mes tjerash thekson se 11 qytetarë kanë humbur jetën duke e çuar numrin total  të viktimave  në 833, që prej fillimit të pandemisë.

“Numri total i rasteve pozitive është 29.805 raste nga 120.811 persona të dyshimtë në virusin SARS-CoV-2 dhe 833 raste të vdekjes. Gjatë 24 orëve të fundit, janë shëruar 236 pacientë derisa numri i përgjithshëm i të shëruarve deri më sot është gjithsej 17.541 raste, kurse numri i rasteve aktive është 11.431”, thekson IKSHPK-së.

Rastet pozitive në Kosovë :

Prishtinë 303 raste, Gjilan 39 raste, Prizren 38 raste, Vushtrri 37 raste, Pejë 32 raste, Fushë-Kosovë 31 raste, Mitrovicë 31 raste, Ferizaj 22 raste, Lipjan 20 raste, Skenderaj 17 raste, Drenas 16 raste, Viti 16 raste, Obiliq 14 raste, Suharekë 13 raste, Kamenicë 8 raste, Gjakovë 7 raste, Klinë 7 raste, Malishevë 7 raste, Kaçanik 6 raste, Deçan 5 raste, Istog 5 raste, Shtime 5 raste, Podujevë 4 raste, Dragash 3 raste dhe Novobërdë 2 raste.

Ministria e Shëndetësisë ri-përsërit apelin dhe kërkon nga qytetarët të respektojnë masat anti-covid për të ulur përhapjen e pandemisë Covid-19.