Ukrainë/ Vritet në luftë kampioni i Evropës në boks

Qeveria ukrainase ka njoftuar nëpërmjet rrjeteve sociale se 22-vjeçari, Maksim Galiniçev ka humbur jetën në luftime në front,ndërsa luftonte kundër forcave ruse.

Boksieri ishte një emër i njohur në ringun ndërkombëtar pasi kishte shkëlqyer në moshë të re duke fituar medaljen e artë në Kampionatin Europian të të rinjve në vitet 2017 dhe 2018, ndërsa në vitin 2018 kishte marrë pjesë edhe në Lojërat Olimpike për të rinj.

“Maksim Galiniçev, 22, kampion Europe boksi për të rinjtë, vdiq duke mbrojtur Ukrainën në rajonin e Luhansk. Maksim u regjistrua si vullnetar dhe u kthye në front dy herë pasi ishte plagosur dhe rikuperuar”, tha në rrjetet sociale Anton Gerashçenko, këshilltar i qeverisë ukrainase.

LEXONI GJITHASHTU: 

• Nën efektin e drogës, arrestohet në Gjermani shqiptari i shpallur në kërkim
• Hidhet nga kati i pestë, humb jetën 85-vjeçari